قصة ممتعه ومشوقه جدا

الحكااية من زماااااااان

تقول ماما انو كان يحبني من وانا مرره مررره صغيرة

كان دايما يشوفني ويتابعني بعيونو

ويساعدني كتير كأنو مافي في المكان احد تاني غيري

حتى لمن كنت ألعب ,, كان من بعيد يشوفني

كنت اكبر قدامه

شووويه



شووويه



وكنت انا كمان احبو

واعرف انو اي شي حلو اكتشف انو هو اللي جابو



"حبيتو"



زي اي طفلة تلاقي احد يحبها ويهتم بيها



عشان كدا .. كنت اتكلم عنو كتير

ولكل الناس

وكنت احرص انو يكون ليا وقت معاه

واحيانا ابالغ في الجلوس معاه

أو

التفكير فيه بيني وبين نفسي



اتخيل دحين كيف لمن يشوفني انا طفلة ومتعلقة فيه قد كدا ’’ هههههه

احيانا احس

هههههه كان شكلي يضحك



وكبـــرت



وسرت اقدر اسوي كل شي بنفسي

وصار عندي صحبااات وناااس

وانشغلت

مرررره

مرررره عنه

سار وقتي معاه مرررة قليل

وتقريبا ,, معدوود

كنت اعرف انو زعلان مني

بس ما كنت اقدر اوقف وارجع له

فيه اشياء كتير حلوة في حياتي اكتر من الجلوس معاه

مـــرهـ

ماما ’’ حطت على مكتبي كتاب ارسلو عشاني

اقولك شي ,,,, !!! ما قريتو

بــــس



كنت كل ما اشوفو يعورني قلبي

واقول



حأقراااه



حأقراااه .. بعدييين



هوا كان يعرف اني ما قريتو

وكان يرسلي ناس يزكروني فيه

نـــاااس

يقولولي انو يحبني ..

نــــاااس

يحذرووني من اني لو جلست كدة حينساني

انا كنت .. واثــقـة انو يحبني

لدرجة ما كنت اتخيل انو في يوم بقدر

ينساني

او

يكرهني

ساعاات كان يوحشني

بس برضو ما كنت اروحلو .. او اسوي شي عشان

بس يوحشني .. وخلاص !!!ا

واكتر لحظات يوحشني فيها لمن احزن

يمكن .. لأنو اول واحد كان يودي عني الحزن

يمكن .. لأني لمن كنت ابكي عندو ارتاااح

واحيانا ,, ابتسم وانا ابكي

يمكن .. لأنو كان يحل مشاكلي من دون ما ادري لمن يعرف عنها

واتفاجأ !! انو انقذني و ساعدني

حتى المشاكل اللي كانت بيني .. وبين ماما وبابا

كان يزبط المواضيع تزبيط رهييييب

وعاد انتي عارفة ماما ازا عندت كيف



عشان كدا



كل ما احزن افكر فيه

واعرف اني لو رحتلو حيريحيني

بس دحيــن

سرت استحي اكلمو .. اخاف لو رحتلو ما يطالع فيا

وقتهــا

انا محا اتحمل

انا يمكن ما كنت اقدر حبو ليا

بس فكره انو ما سار يحبني ما اقدر اتخيلها



احس كلنا كده



"لو ايش ما نبغا نخسر حب حتى لو ما كنا مهتمين بيه "

مرت عليا فتره مررة كئييبة

كنت ابكي كل يوم

اشياء كتير اتجمعت على بعض

صحبتي سافرت بلد تانية

ماما وبابا سار بينهم مشاكل

وماما وبابا في نفس الوقت سارو يعاملوني معاملة مرة بشعة

كأني مجرمه .. وانا ما سوييييت شي

كنت اعرف انو



كل يوم في الليل يستناني الين الفجر

يستناني اكلمو

بس

كنت ابكي الييين الصباح

وما كلمتو



’’مــــرهـ’’

كنت متجمعة مع صحباتي وكانو مرررره مرررره مبسوطين

كنت احاول اسير زيهم

احاول اسير عاديه !!!ا

واقول

ييلا يا بنت غيري جو

بس ما كنت قادرة



"وفي وسط الزحمة"



قررت ارجعلو



قلت للبنات ابغا ارجع البيت بسرررررعه

كللللهم استغربو

بس انا كنت ابغا ارجع البيت عشان

.......

عشان اتكلم معااه

عشان عارفة انو لو مهما اتكلمت محد حيفهمني في الدنيا ديه غيرو





ورجعت البيييت

*

*

*

*

*

*



وفرشت سجادتي



’’واتكلمت مع الله ’’





{الى الذي هو اقرب الي من انفااااسي ,, اللهم زدني تقربا أليك }